Parlamenti shqiptar përveçse prodhon një estradë të nivelit të lartë, nga “perlat” që deputetët nxjerrin nga goja, na paraqet edhe pamje që dashur pa dashur bien në sy. Ditën e sotme seanca plenare ka patur debate të forta përsa i përket çështjes së Teatrit Kombëtar.
Në këto debate, fjalën e ka marrë edhe një deputet jo shumë i njohur nga shqiptarët.
Bëhet fjalë për kryetarin e Partisë Bashkimi Popullor i Pensionistëve të Shqipërisë dhe deputeti i PD në qarkun e Shkodrës, Selami Janishehri.
Mirëpo, fjala e tij nuk ka tërhequr vëmendje më shumë se look-u i tij. Janishehri u shfaq me një ‘look’ të ri, me flokët në formë kapelon dhe baluket me vijë në mes.
Kujtojmë se deputeti edhe më herët ka rënë në sy për pamjen e tij. Në një periudhë kohe ai shfaqej një herë me flokë të zinj, biond apo edhe me flokë të thinjura. Selami Janishehri është një ndër deputetët më të vjetër në moshë në Parlamentin shqiptar.
